நீங்கள் தேடியது "சாப்ட்வேர் நிறுவனம்"

சென்னை:

சென்னையில் உள்ள ஒரு தனியார் தகவல் தொழில்நுட்ப நிறுவனத்தில் வருமான வரித்துறை அதிகாரிகள் இன்று சோதனை நடத்தினர்.

மும்பையை தலைமையிடமாக கொண்ட அந்த நிறுவனத்திற்கு சொந்தமான சென்னை தேனாம்பேட்டை அலுவலகத்திலும், சோழிங்கநல்லூரில் உள்ள அலுவலகத்திலும் இந்த சோதனை நடந்தது.

பெங்களூர் வருமான வரித்துறையினர் இன்று காலை 7 மணி முதல் சோதனையில் ஈடுபட்டனர். வருமான வரி ஏய்ப்பு செய்ததாக வந்த தகவலின் அடிப்படையில் அதிகாரிகள் சோதனை நடத்தினர். அலுவலகங்களில் உள்ள முக்கியமான ஆவணங்களை ஆய்வு செய்து கைப்பற்றினர்.

வருமான வரித்துறையினரின் சோதனையால் அலுவலகத்திற்கு வந்த ஊழியர்கள் அதிர்ச்சி அடைந்தனர்.

வரி ஏய்ப்பு செய்ததற்கான ஆவணங்களை கைப்பற்றியதாக கூறப்படுகிறது. தேனாம்பேட்டையில் 2-வது மாடியில் அமைந்துள்ள சாப்ட்வேர் அலுவலகத்திற்கு இன்று குறைந்த அளவிலேயே ஊழியர்கள் வந்திருந்தனர். #ITRaid